Óvæntar fréttir! Jennifer Lopez, 47, er ólétt! Hyggst poppstjarnan giftast kærastanum sínum Casper Smart áður en barnið kemur í heiminn. Tímaritið Life & Style heldur þessu fram. Casper, sem er 29 ára og semur dansana fyrir hana, segist afar spenntur og vill að þau gangi upp að altarinu áður en barnið fæðist: „Hann óskar sér einskis heitar en að Jennifer vilji giftast honum,“ segir ónafngreindur heimildarmaður í viðtali við tímaritið.

Segir þó þessi heimildarmaður að hún sé mjög spennt eingöngu fyrir að eignast barnið í fyrstu: „Hún hefur sagt honum að einblína á eitt skref í einu.“ Jennifer á tvíburana Max og Emme sem fædd eru árið 2008 en hefur oft tjáð sig um að hún vilji eignast fjögur eða fimm börn.

Gleðifréttir fyrir þetta fallega par!