Söngkonan Janet Jackson verður fimmtug eftir tvær vikur og á von á sínu fyrsta barni með milljarðamæringnum Wissam Al Mana. Þarf hún því að fresta „Unbreakable“ tónleikaferðinni sem hófst árið 2015.

„Óvænt breyting hefur átt sér stað og ég vildi að þið mynduð vita það fyrst,“ segir söngkonan við aðdáendur sína í myndbandi sem hún setti á netið. „Maðurinn minn og ég erum að skipuleggja fjölskyldu þannig ég verð að fresta frekari tónleikahöldum. Því miður. Læknarnir skipa mér að hvílast en ég hef ekki gleymt ykkur og mun halda áfram að túra um leið og ég get.“ Fá aðdáendur hennar endurgreidda miðana.

Janet giftist Wissam Al Mana (41 árs) árið 2012 í leyni og staðfesti engar fregnir af hjónabandinu fyrr en árið 2013. Hjónabandið er hið þriðja hjá Janet.

Heimild: NyDailyNews