Tobba Marinósdóttir er ein þriggja kvenna er standa að gourmet vefsíðunni EATrvk Þar deila þær stöllur girnilegum uppskriftum með lesendum. Tobba leggur áherslu á hollar uppskriftir og oftar en ekki eru þær sykurlausar.

Þessir pinnar eru mjög frískandi, sætir og góðir. Við dóttir mín stútum stundum tveimur í röð ef við erum í stuði. Það besta er að þeir eru mjög hollir og innihalda örfáar hitaeiningar en mikla hamingju! Ekki skemmir fyrir að þeir taka í alvörunni bara eina mínútu í vinnslu fyrir utan frystitímann.