Þetta er aðeins of fyndið og svarar um leið spurningunni; hvernig hugsa eiginlega börnin? – Alla vega upp að ákveðnu marki, en hér má sjá hvað gerðist þegar ungir foreldrar festu Go-Pro myndavél á höfuð sonar síns – földu sig inni í fataskáp með farsímann og horfðu á alla upptökuna meðan barnið tifaði um á litlum tásum og velti því fyrir sér hvar foreldrarnir væru eiginlega niðurkomnir.

Auðvitað var það svo heimilishundurinn sem kom upp um felustað foreldranna, en upptakan er svo krúttleg að það hálfa væri nóg!