Þó ljósmyndaröðin sem hér má sjá að neðan líti út fyrir að sýna FYRIR og EFTIR svipmyndir af þekktum fyrirsætum í yfirstærð, er sannleikurinn að baki röðinni annar og grimmilegri.
Um er að ræða verulega ógeðfellt átak sem nettröll nokkur að nafni Thinner Beauty standa að baki, sem miðar að því einu að gera lítið úr konum í yfirstærð og hæðast að stúlkum sem glíma við ofþyngd.
Fyrirsætan Tess Holiday: Átt hefur verið við myndina til hægri
Uppátæki hópsins, sem kemur ekki fram undir nafni, miðar að því einu að „fótósjoppa feitar konur og gera þær grannar á ljósmyndum í þeim göfuga tilgangi að hjálpa þeim að grennast.”
Ógeðfellt netníð: „Við erum bara að reyna að hjálpa feitu konunum.“
Á Reddit síðu hópsins segir einfaldlega:
Við gerum þetta til að hvetja feitar konur, með því að sýna þeim hvað þær gætu verið fallegar ef þær bara skuldbinda sig ævilangt til að iðka líkamsrækt og borða hollt.
Siðlausar netárásir hópsins hafa vakið upp ómælda reiði og hneykslun:
Þá hefur Facebook síða hópsins ekki verið tekin niður þegar þetta er ritað, en í lýsingu hópsins segir:
Við hjá Thinner Beauty viljum sýna hversu fallegt fólk gæti verið ef það nennti bara að leggja á sig ævilanga skuldbindingu, æfa líkamsrækt og borða hollan mat.
Fyrirsætan Tess Holliday hefur svarað nettröllunum fullum hálsi í fjölmiðlum:
Nettröllin hófu linnulausar árásir sínar í garð kvenna í yfirþyngd á fjölmörgum samskiptamiðlum; Facebook (sú síða stendur enn uppi) ásamt Instagram og Twitter aðgangi (sem hafa nú verið fjarlægðir) ásamt því sem vefsíðan thinnerbeauty.org var sett í loftið, en vefsíðan hefur loks verið tekin niður og koma villuskilaboð upp þegar reynt er að smella á URL-ið.
Rafrænt einelti nafnlausra nettrölla á borð við þetta getur kostað mannslíf:
Þó nafnlaus nettröllin segist hafa það göfuga markmið fyrir höndum að styðja feitt fólk til betri heilsu, virðist tilgangurinn þó öllu fremur vera að niðurlægja einstaklinga í yfirþyngd.
Athugasemdir nettröllana eru of ljótar til að hafa eftir á prenti:
Enginn vafi leikur á þvi að fyrirsætan Tess Holliday, sem opinberlega lýsti yfir andúð á uppátækinu í viðtali við E! News (en henni bregður tvisvar fyrir í þessari grein) hefur fyllilega á réttu að standa þegar hún segir:
Það er algerlega ófyrirgefanlegt að þessi Facebook síða skuli notast við ljósmynd af mér án leyfis til þess að auglýsa eigin hrekki. Þetta er einmitt ástæða þess að ég hratt af stað jákvæðu herferðinni #effyourbeautystandards
