Stóra reðurmálinu sem gerði bókstaflega allt vitlaust á Twitter fyrir skemmstu er síður en svo lokið. Þannig birti furðu sleginn tónleikagestur ljósmynd af glæstum göndli Lenny Kravitz sem spratt frelsinu feginn fram úr gauðrifnum leðurbuxum rokkgoðsins á sviði í Svíþjóð fyrir skemmstu og í kjölfarið rataði myndband af atvikinu í slúðurmiðla vestanhafs.
Ætla mætti að brandarinn væri þurrausinn þegar mesta fjaðrafokið var gengið yfir, enda hélt fjölskylda goðsins ró sinni og sjálfur reið Lenny á vaðið með tagginu: #penisgate þar sem hann gerði góðlátlega gŕin að öllu fjaðrafokinu sem reis í framhaldinu af sænska l(r)eðurslysinu.
Glöggskyggn augu blaðamanna greindu hins vegar fljótlega gerðarlegan reðurhring sem Lenny ber uppi við lífbeinið (við reðurrótina sjálfa) og vakti furðu og aðdáun þeirra aðdáenda söngvarans sem rýndu í myndir af atvikinu. Eins og sjá má hér að neðan brást Kravitz eldsnöggt við og lét hvergi út af bregða – en skaðinn var skeður – reðurhringurinn óð út og sama má segja um gerðrlegan göndulinn, sem komst óvænt í heimsfréttir.
Á daginn hefur komið að Lenny – sem er orðinn 51 árs gamall, fékk umræddan reðurhring, sem ætlað er að erta sníp konunnar við samfarir og veita henni þannig aukinn unað, fyrir fjölmörgum árum síðan og hefur aldrei tekið reðurhringinn úr. Ritstjórnarteymi Mashable lagði í talsverða rannsóknarvinnu og hafði upp á listakonunni sem gataði reðurrót Lenny á sínum tíma, en við sama tækifæri fékk Lenny sér hringi í báðar geirvörturnar.
Já, þetta er reðurhringur sem er gataður gegnum reðurrótina sjálfa. Honum fannst hugmyndin heillandi en vildi ekki láta gata getnaðarliminn sjálfan, heldur vildi hann að hringurinn færi gegnum reðurrótina í þeim tilgangi að geta veitt ástkonu sinni meiri unað í kynlífinu. Lenny er mjög gefandi í rúminu. Það leikur enginn vafi á því.
Viðtal Mashable við Angel, sem orðin er 55 ára gömul og er sérfróð um kynfæragatanir, má lesa hér þar sem ferlið að baki líkamsgötun á borð við þá sem Lenny ber er rætt í þaula. Þess má að lokum geta að Angel er nú fullbókuð út þetta ár, en áhugasamir um eðli líkamsgatana geta kynnt sér vefinn Piercing Bible sem skreytingameistari Lenny Kravitz er ábyrgðarmaður fyrir.
Við hér á ritstjórn sláum hins vegar botninn í stóra reðurmálið þar sem Lenny Kravitz fór stórum á sviði og bjóðum lesendum að líta tíst Twitter notanda augum, sem deildi þessari afhjúpandi ljósmynd af goðinu og svipti hulunni af því hvernig reðurhringurinn lítur út í raun og veru:
Here’s Lenny Kravitz’s pubic piercing because why should I be the only one who has to live with this knowledge? pic.twitter.com/qB32ykjLZz
— Fabian Igiraneza (@fabianigiraneza) August 4, 2015
