Maddie Ziegler, litla stúlkan sem sló svo eftirminnilega í gegn í myndböndum söngkonunnar Sia, er orðin fyrirsæta. Það sem meira er, hún dansar enn gegnum hverja tískulínuna af fætur annari – gekk pallana og kynnti haustlínu Ralph Lauren fyrir börn, ásamt yngri systur sinni fyrir skömmu í dýragarðinum í Central Park, New York.
Hér svífa þær systur Maddie og Mackenzie léttstígar fyrir bandaríska GLAMOUR tímaritið í ballettsal og kynna hausttrendin í ár á heldur óvenjulegan hátt. Eins og sjá má verða grófmynstraðar flíkur áberandi, tvítefni, þéttofnar peysur og svo auðvitað litríkar regnkápur:
