Leynileg upptaka af bresku konungsfjölskyldunni sem sýnir m.a. Elísabetu Englandsdrottningu og drottningarmóðurina heilsa að nasistasið, hefur valdið usla og hneykslan meðal bresku þjóðarinnar.

Myndbandið, sem er frá árinu 1933, er tekið upp á þáverandi heimili konungsfjölskyldunnar og sýnir Eðvarður VIII kenna mæðgunum að heilsa að sið Hitlers, en Eðvarður var enn titlaður Prinsinn af Wales á þeim tíma sem leynilegt myndbandið var tekið upp og var stuðningsmaður Hitlers.

Talið er að upptakan hafi verið gerð á árabilinu 1933 til 1934, þegar Hitler var að rísa til valda í Þýskalandi, sem síðar meir átti eftir að valda skelfilegri eyðileggingu um gjörvalla Evrópu. Frétt breska götumiðilsins SUN má lesa HÉR, en þeir voru fyrstir til að birta myndbandið, sem sjá má hér fyrir neðan og hefur vakið reiði, furðu og hneykslan: