Bílasöngl James Corden, sem hefur áður narrað þau Mariah Carey, Justin Bieber og jafnvel Iggy Azalea til að taka lagið í framsætinu, náði nýjum hæðum fyrr í þessari viku. Grínistinn fékk enga aðra en gullbarkann Rod Stewart og kyntáknið A$AP Rocky til að taka lagið í jeppanum og einhvern veginn kom fyrsta kynlífsreynsla Rod, svalasti slagarinn Do You Think I’m Sexy og svo rapp við sögu.
Sjálfur sagðist Corden aldrei hafa tekið annan eins bíltúr og klykkti út með orðunum:
Ég hef eiginlega aldrei verið jafn svalur á ævi minni eins og akkúrat núna.
