Ofurfyrirsætan Chrissy Teigen hefur rekið upp herör gegn vægðarlausri ritskoðun Instagram sem virðist að mestu snúast um vanþókun á konubrjóstum og þá sérstaklega nöktum geirvörtum. Chrissy, sem birtist í myndaþætti á vegum W Magagzine sem ber heitið Privacy Settings spread deildi þessu skoti úr þættinum á Instagram og brást öryggisvarðasveit samskiptamiðilsins harkalega við, fjarlægði myndina undir eins og sendi Chrissy formlega viðvörun.
Þessa mynd af Chrissy bannaði Instagram með öllu:
Chrissy brást samstundis við á Twitter, gaf út yfirlýsingu þess efnis að þó geirvartan væri farin í tímabundnar felur, hefði hún síður en svo í hyggju að hylja brjóst sín með öllu. Aðdáendur hennar gætu því andað rólega, þar sem geirvartan hyggði á endurkomu innan tíðar.
Í framhaldinu birti svo Chrissy aðra ljósmynd, að þessu sinni tók hún myndina sjálf og deildi glaðbeitt á Instagram. Takið sérstaklega eftir því hversu skemmtilega fyrirsætan fer að því að hylja geirvörtuna á myndinni:
Svo virðist því sem hið almáttuga brjóstastríð sé í fullum blóma í henni gömlu Hollywood og þess fyllilega vert að fylgja Chrissy eftir á samskiptamiðlinum – allt í nafni tjáningarfrelsis á Instagram.
