Róleg á ofbeldinu, Rihanna! Út er komið myndband dívunnar við stórsmellinn Bitch Better Have My Money en sjálft lagið kom út fyrr á þessu ári. Og Rihanna spilar öllum trompum út í myndbandinu, sem líkist meira ofbeldisfullri stuttmynd en tónlistarmyndbandi.
Myndbandið er heilar sjö mínútur að lengd og sýnir Rihönnu ásamt tveimur áhangendum leggja á blóðug ráð sem slær allflestar hasarmyndir samtímans út – en viðkvæmir eru varaðir við áhorfinu.
Nekt, pyntingar, morð og mannrán eru meðal þess sem Rihanna teflir út en áhorfið sjálft er ógleymanlegt. Takið fyrir augun á börnunum – hér er nýútkomið myndband við smellinn Bitch Better Have My Money!
