Hvernig er hægt að ganga úr skugga um hvort spegillinn á almenningsbaðherberginu er tvöfaldur eða einfaldur; þeas. hvort hægt er að sjá í gegnum hann eða ekki? Hvernig er hægt að ganga úr skugga um að spegillinn sem trónir á klósettinu – þar sem kona fer jafnvel einsömul inn til að pissa – sé örugglega einfaldur? Þ.e.a.s. hvernig er hægt að kanna hvort einhver sitji hinu megin við spegilinn? Horfi gegnum glerið á grunlausar konurnar sitja á klósettinu?
Spurningin er næsta eðlileg ef sú staðreynd er höfð í huga að fjölmörg baðherbergi á skemmtistöðum, hótelum, kaffihúsum og jafnvel á bensínstöðvum eru einmitt búin myndarlegum speglum sem blasa við beint fyrir framan klósettið .. og eru sumir hverjir tvöfaldir, sem gerir öfuguggum auðvelt fyrir að horfa á grunlausar konur afklæðast á harðlæstu baðherbergi – í einrúmi, að því er þær telja.
Svona getur þú gengið úr skugga um öryggi þitt:
Leggðu fingur á spegilinn og tylltu nöglinni beint á yfirborðið. Ef BIL er á milli fingurnaglarinnar og spegilmyndarinnar, er um RAUNVERULEGAN spegil að ræða. Þér er óhætt.
Ef fingurnöglin SNERTIR YFIRBORÐIÐ og EKKERT BIL er á milli fingurnaglarinnar og spegilsins, er um TVÖFALDAN spegil að ræða!
