Hér er komin skotheld heilsuuppskrift að dásamlegum vöfflum sem renna ljúflega niður með hátíðarkaffinu. Sykurmagnið má minnka eftir smekk, en dásamlega og ferska berjasultu er að finna í lok uppskriftarinnar. Ekta þjóðhátíðarvöfflur úr grófu og heilnæmu mjöli sem hressa, bæta og kæta!
UPPSKRIFT:
3 ½ dl heilhveiti
1 dl haframjöl
½ tsk lyftiduft
½ tsk matarsódi
½ tsk salt
4 dl léttmjólk
2 eggjahvítur
3 msk dökkur púðursykur
1 msk jurtaolía
4 dl fersk bláber
3 dl fersk, niðurskorin jarðarber
1 dl hlynsýróp
Hitið ofninn í 90 gráður (celcius). Breiðið bökunarpappír á ofnplötuna eða spreyjið plötuna með bökunarspreyi.
Blandið því næst saman öllum þurrefnum i stóra skál og hrærið vel saman. Blandið mjólk, eggjahvitum, púðursykri og jurtaolíu saman í aðra skál. Blandið fyrst vel saman og hrærið svo saman við þurrefnin. Haldið áfram að hræra þar til blandan er orðin þétt og mjúk í sér. Bætið 2 dl af bláberjum að lokum út í blönduna.
Kveikið nú á vöfflujárninu og úðið með ágætu bökunarspreyi.
Ágætt er að setja u.þ.b. einn dl af vöffludeigi á pönnuna í hvert sinn, bakið þar til vafflan er orðin gullinbrún og setjið strax á ofnplötuna, inn í ofn og látið standa þar í ylvolgum ofninum til að halda vöfflunum heitum meðan á bakstri stendur. Þessi uppskrift inniheldur ca. 8 vöfflur.
*ATH: Meðan á bakstri stendur, ætti að setja meðalstóran pott á hellu og blanda afgangnum af bláberjunum, jarðarberjunum og hlynsýrópinu saman. Hitið við vægan hita og látið malla í pottinum í ca. 5 mínútur eða þar til berin eru orðin maukuð og renna mjúklega saman við sýrópið. Berið fram með vöfflunum!
