Klesstur maskari er kúl. Svo segir á vef Cosmopolitan og leggur blaðamaður Cosmo fram, máli sínu til stuðnings, auglýsingu frá Maybelline þar sem sjá má fyrirsætu með hrikalega K L E S S T augnhár, útklínd í kolsvörtum maskara.
Trendið nær allt aftur til sjötta áratugarins, blakandi augnhára Twiggy og Diönu Ross, sem sigruðu heiminn með klesst augnhár, útsmurðar í maskara. Reyndar hefur áhrifa frá sjötta áratugnum gætt um nokkurt skeið eins og sjá mátti á sækadelískri línu GUCCI og Versace og fleiri hátískumerkja á tískuvikunni í febrúar á þessu ári. Nú hefur förðunarheimurinn tekið trendið skrefi lengra með kolsvartan maskarann á lofti og gerviaugnhárin innan seilingar.
Förðunarmeistarinn Yadim Carranza svarar þannig blaðamanni Cosmo að nú sé klesstur maskari algerlega málið og að trendið verði mjög áberandi í sumar:
Því meira, því betra. Fegurðin er fólgin í tælandi uppreisnarlúkkinu og glæsileikanum sem gefur til kynna að þú hafir verið úti á djamminu fram undir sólarupprás.
Hvernig er þá hægt að negla lúkkið án þess að vera subbuleg útlits? Með því að bera mörg lög af maskara á augnhárin; að nudda burstanum lárétt eftir efri augnhárunum frá rót og að enda augnháranna en að snúa burstanum lóðrétt þegar þú berð á neðri augnhárin. Það er allur galdurinn við lúkkið!
Hér má sjá örfá tilbrigði af klessta lúkkinu sem tröllríður tískuheiminum en fleiri ljósmyndir má skoða á vef Cosmo:
