Fáklædd, lostvekjandi og daðurmild Kris Jenner kynnti inn sjöunda dag desember með tælandi augnaráði í aðventudagatali Love Magazine, sem komið hefur út undanfarin þrjú ár og samanstendur af súrrealískum stuttmyndum í erótískari kantinum sem státa af fegurri konum heims.

Kris, sem orðin er sextug, gefur dætrum sínum ekki þumlung eftir þegar að kynþokka kemur og afklæddist þannig fyrir kvikmyndavélar í draumkenndu umhverfi; einkasundlaug ættmóðurinnar sjálfrar.

Leikstjórn súrrealískrar stuttmyndarinnar var í höndum Doug Inglish en Jenner sveigir sig og reigir í kolsvörtum og flegnum sundbol með glitrandi eðalsteina um hálsinn en undir ómar metsölusmellur Fetty Wap – Trap Queen, sem er vægast sagt klámfengin melódía:

Man, I swear I love her how she work the damn pole

Hit the strip club, we be letting bands go

Everybody hating, we just call them fans though

In love with the money, I ain’t ever letting go

Kris fór einnig með rullu í aðventudagatali Love Magazine á síðasta ári en í það skiptið var hún íklædd tælandi svartri dragt og burðaðist um með risavaxinn sleikipinna meðan hún dansaði stelpulegan stríðsdans við smellinn Kiki sem Sciccor Sisters flytja.

Þá er Kendall, dóttur Kris, einnig að finna í aðventudagatalinu í ár – en nítján ára gamalt súpermódelið braust inn í hús, íklædd hákarlabúningi og réðist á sjálfa sig blásaklausa, í sturtu, þann 1 desember og opnaði þannig fyrsta gluggann í ertnislega erótísku dagtali Love Magazine.

Ekki er annað að sjá en að mæðgurnar séu búnar að landa árlegum samning við dónalegt aðventudagatalið, Kendall má þannig sjá HÉR en að neðan má hins vegar sjá hina sextugt tálkvendið kynna þann 7 desember fyrir Love Magazine: