Það var þetta með samvitund kvenna. Allt það sem konur reikna með og stóla á að læra hver af annarri. Hvískrið inni á klósettinu og eldhússfliss vinkvenna. Hvernig á að setja upp túrtappa, hvað tíðahringurinn er langur, hvernig á að taka þungunarpróf …

… þið vitið. Hvar snípurinn er og svo framvegis. Því ætti enda umræðan að vera feimnismál og hvernig fóru formæður okkar að, áður en netið kom til sögunnar? Varla urðu þær allar fyrir einstakri hugljómun kringum fermingaraldurinn, stigu fullþroskaðar fram í einrúmi og höndluðu túrtappann eins og heimsmeistarar á harðahlaupum?

Það er ekkert einfalt að vera kona og því síður að höndla túrtappa. Sumar konur kjósa bindi umfram tappa, aðrar vita ekkert hvernig á að nota þetta og svo eru það þær sem þyrsta í vitneskjuna, kunna varla við að spyrja vinkonuna sem varla veit svörin sjálf og eru sennilega að lesa þessa grein í þeim einasta tilgangi að læra – í eitt skipti fyrir öll – HVERNIG á að setja upp túrtappa og tryggja um leið að honum hafi verið rétt komið fyrir.

Svona, stelpur mínar – förum við að þegar túrtappi er settur upp!