Alanis Morissette hefur dúndrandi húmor fyrir sjálfri sér og eigin sköpunarverkum, en um þessar mundir eru liðnir tveir áratugir frá útgáfu þriðju breiðskífu söngkonunnar, sem bar nafnið Jagged Little Pill og þeytti henni óravegu upp á stjörnuhimininn.

Af því tilefni tók Alanis lagið ásamt spjallþáttarstjórnandanum James Corden í myndveri nú í vikunni og sprellaði óheyrilega í endurgerð metsöluslagarans Ironic sem út kom (einmitt) árið 1995 og fjallaði um tíðarandann eins og hann kom ungu fólki fyrir sjónir fyrir tveimur áratugum síðan.

Timarnir hafa hins vegar tekið talsverðum breytingum og mannfólkið með og þannig glímir fólk við Facebook, Tinder, Snapchat, Twitter og jafnvel Uber í dag … eins og Alanis kemur einmitt inn á: