Auðvitað eru einstaklingar jafn misjafnir og þeir eru margir. Til eru karlmenn sem laðast eingöngu að ljóshærðum konum; sem vilja einungis sofa hjá bleyjuklæddum einstaklingum, sem safna gínum og æsast ósegjanlega af því einu að finna lykt af prumpi …

… í fullri alvöru talað og að öllu gríni slepptu, þá er allt til undir sólinni. Ekki allir laðast að eðlilega vöxnu fólki af holdi og blóði og til er fólk sem örvast einungis kynferðislega í nístandi frosti. Hér fara tíu stórundarleg kynlífsblæti sem eru raunveruleg, viðurkennd en eru flestum öðrum en þeim sem af þeim eru þjakaðir, algerlega óskiljanleg.

#1 – Trjáblæti: (Dendrophilia)

Undir þennan hóp falla trjáfaðmarar. Í alvöru talað, til er fólk sem laðast kynferðislega að voldugum trjástofnum og jafnvel ræfilslegum runnum. Blætið hefur ekkert með náttúruvernd að gera heldur auðmjúkan losta eftir grösugum grundum, gildum rótum og aðlaðandi … trjáberki.

#2 – Sóðablæti: (Salirophilia)

Til er fólk sem nýtur þess að sóða aðra út; sér í lagi þá sem eru aðlaðandi í útliti. Löngunin getur brotist út í þráhyggjukenndri þörf fyrir að rugla í hári fallegrar konu, rífa og hnjaska til föt viðkomandi, ata jafnvel fólk út í mold og aur og sóða til augnmálningu … subbuskapur getur með öðrum orðum verið kynferðislega örvandi.

#3 – Bernskublæti: (Autonepiophilia)

Hæ! Nei! Hér er ekki verið að vísa til barnagirndar! Þeir einstaklingar sem þjakaðir eru af bernskublæti hafa alls engan kynferðislegan áhuga á börnum og þykir tilhugsunin ein viðurstyggileg. Þessir einstaklingar þrá þvert á móti að upplifa frumbernskuna sjálfir að nýju og klæðast gjarna bleyju, vilja láta mata sig og hnipra sig saman í vöggu. Hámarkinu er svo auðvitað náð ef viðkomandi nær að kúka í stóru bleyjuna og lætur skipta á sér …

#4 – Kuldablæti: (Psychrophilia)

Stórhættulegt blæti sem getur valdið ofkælingu, frostbitnum útlimum, jafnvel aflimun og dauða. Í þennan flokk falla þeir einstaklingar sem örvast ósegjanlega í ísköldum aðstæðum. Fólk sem logar þá mest af losta þegar rekkjunautur þeirra, fáklæddur og hjálparvana, skelfur af kulda í hörkufrosti.

#5 – Bangsablæti: (Ursusagalmatophilia)

Skylt bernskublætinu upp að ákveðnu marki, en þessir einstaklingar geta gælt tímunum saman við loðdýr. Því stærri sem loðdýrin eru – því betra. Gleymið því ekki að hér er ekki átt við raunveruleg, loðin og lifandi dýr – heldur uppstoppaða bangsa.

#6 – Ælublæti: (Emetophilia)

Einhverra hluta vegna, sem erfit ef ekki ógerlegt er að útskýra – eru til þeir einstaklingar sem örvast kynferðislega af því að sjá aðra manneskju kasta heiftarlega upp. Aðstæður og orsakir skipta litlu máli í kringumstæðunum. Það er verknaðurinn sjálfur – eða ælan – sem veldur unaðinum.

#7 – Líkneskjablæti: (Hierophilia)

Sennilega skylt þeirri löngun til að húðstrýkja eigin líkama; leika píslarvott og iðka hreinlífi. Hér finnast einstaklingar sem laðast kynferðislega að helgum hlutum, trúarlíkneskjum og jafnvel kirkjumunum. Krossar, talnabönd, helgikerti, … Guð minn góður.

#8 – Gínublæti (Agalmatophilia)

Þið gerið ykkur væntanlega í hugarlund hvað við er átt; líflausar gínur, marmarastyttur og höggmyndir og kynlífsdúkkur í fullri líkamsstærð. Flestir hafa einhverju sinni lesið frásagnir af einkennilegum, fullorðnum einstaklingum sem safna dúkkum í fullri líkamsstærð og halda til haga á heimili sínu … en manneskjur af holdi og blóði höfða einfaldlega ekki til þeirra sömu. Gínurnar hafa vinninginn í einu og öllu.

#9 – Tárablæti: (Dacryphilia)

Einmitt. Að sjá aðra manneskju gráta. Niðurbrotna. Með ekkasogum. Er alveg ómótstæðilega sexí í augum einhverra. Bara það eitt að sjá horið, tárin og skjálfandi axlir – bringunga sem gengur ótt og títt – upp og niður. Þetta er holdgervingur kynþokka í augum þeirra sem þjakaðir eru af tárablæti.

#10 – Prumpublæti: (Eproctophilia)

Alveg satt. Ilmurinn af hressilegum viðrekstri kemur örfáum einstaklingum til. Þétt og þróttmikið prump getur sent örfáar manneskjur í hæstu hæðir unaðar og ástríðufullrar gleði. Gætið ykkar á þessum illkvittnu einstaklingum, sem leggja allt í sölurnar til að finna ilminn af prumpi og haldið fast í ykkur! Þeir hinir sömu ganga sennilega með hægðarlosandi á sér og lauma rótsterkum kryddjurtum í mat sessunautarins … almáttugur!