Ekki allt verður fengið með frægðinni; ekki einu sinni eilíf ást og skiptir engu hversu miklir peningar eru í spilinu – fræga og ríka fólkið verður líka fyrir áföllum – að þeirri staðreynd ógleymdri að stjörnurnar fá ekki flóarfrið á götum úti. 

Þannig er Calvin Harris nú í slæmum málum eftir að sást til hans koma út af „nuddstofu“ nokkurri í henni gömlu Hollywood, en fróðir segja um gleðihús að ræða og að drengurinn hafi tekið framhjá sjálfri Taylor Swift, unnustu sinni til sex mánaða.

Radar Online birti þessar ljósmyndir fyrir stundu síðan: 

Þykja myndirnar óræð sönnun þess að Calvin hafi tekið framhjá unnustu sinni, sem að sögn kunnungra er frávita af sorg og hefur slitið trúlofun þeirra Harris. Á vef Radar Online kemur einnig fram að Taylor hafi gengið á Calvin, sem hafi neitað öllu:

Taylor gekk beint á hann þegar ljósmyndirnar birtust. Hún spurði hvað væri eiginlega í gangi en hann laug bara að henni, í staðinn fyrir að vera bara heiðarlegur og segja henni sannleikann. Hann bullaði bara eitthvað um að nuddarinn hans væri veikur og að hann yrði að fá hjálp með öxlina. En Taylor trúði þessu rugli bara ekki neitt og sparkaði honum.

Enn hefur engin yfirlýsing frá hálfu hvorki Taylor né Calvin en tvær staðreyndir eru deginum ljósari; stórstjörnur eiga ekkert einkalíf í henni gömlu Hollywood og ástin verður ekki metin til fjár, ekki einu sinni þegar um milljónamæringa er að ræða.

Hér má að endingu sjá parið meðan allt lék enn í lyndi: