Já. Einmitt. Þá að manninum sem státar af 48 sentimetra löngum reðri og kvartar sáran undan því að tröllvaxinn drjólinn hafi lagt líf hans í rúst, gert honum ókleift með öllu að elska konu á eðlilega vegu og einangrað hann frá umheiminum.
Jafnvel þeir karlar sem þjakaðir eru af ótta við reðursmæð ættu því að líta til Roberto Esquivel Cabrera, sem er kominn á miðjan aldur og á ættir að rekja til mexíkanska smábæjarins Saltillo. Öllu má ofgera og þannig mega þeir kynbræður Roberto sem eru nettari niðurvaxnir, í raun þakka sínum sæla fyrir að burðast ekki með tröllvaxinn drjóla í annarri buxnaskálminni, en reðurbroddurinn (kóngurinn) einn er 25 sentrimetrar í þvermál.
Roberto er ekki hár vexti, en hann er með tröllvaxinn reður:
Sjálfur segir Roberto að limurinn hafi gert honum ókleift að sinna vinnu; hann þarf að betla sér til matar og reiða á aðstoð góðviljaðra, en þessu greinir Huffington Post frá. Konur skelfast hann ósegjanlega og vill Roberto meina að hann sé langveikur, ef ekki bara öryrki sökum ofvaxtarins. Ekki ýkja langt er síðan Roberto tók loks af skarið og hafði samband við sérhæft læknateymi, sem stendur ráðþrota gagnvart tröllvöxnum reðrinum.
Hér má sjá röntgenmynd af risavöxnum belli Roberto:
Mexicano tiene pene de cerca de medio metro. Sería el mayor en la historia de la raza humana. http://t.co/bLdlOgcU0Z pic.twitter.com/kHuA80d8Jp
— Terra México (@TerraMexico) August 26, 2015
Roberto, sem orðinn er 52 ára gamall, ræðir í viðtalinu hér að neðan – sem reyndar fer fram á spænsku – við myndatökumann mexíkanska dagblaðsins La Vanguardia, sem festir þann gamla á filmu meðan hann rogast með reðurinn að vigt sem sýnir að drjólinn er níðþungur; en rétt er að vara viðkvæma við áhorfinu – sem þess utan er alls ekki við hæfi ungra barna.
