Mikið mæðir á Donald Trump þessa dagana. Ekki einungis stendur maðurinn í ströngu varðandi fyrirhugað forsetaframboð, heldur veit hann vart hvaðan á sig stendur veðrið lengur varðandi eigið hár.

Svo virðist sem Donald sé ekki par sáttur við þær dylgjur að hárið sé ekki ekta og kallaði þannig unga konu upp á svið fyrir skemmstu þar sem hann var staddur vegna ræðuhalda, beygði sig fram og bað konuna að ganga úr skugga um hvort hárið væri ekki örugglega tryggt á höfðinu.

„Þetta er hárið á mér!“ sagði Donald með þjósti og bað konuna að toga í hárið. „Hérna, talaðu svo í hljóðnemann! Segðu þeim að hárið á mér sé alvöru! En ekki toga of fast í það, ég nota hársprey, í Guðs bænum!“