Þessi er heimalöguð, gott fólk og kemur beint úr leyndarmálabók ritstjóra. Þrautreynd og prófuð, krydduð og skemmtilega góð á kaffiborðið og tilvalin fyrir fullorðna. Grunninn vann ritstjóri upp úr gamalli amerískri pönnukökuuppskrift, en eftir ótal tilfæringar og umbreytingar á mælieiningum, er varla hægt að tala um sömu uppskrift og í upphafi var.
En hún er unaðsleg, þessi!
Þó viskílöggur fari út í sýrópsblönduna, gufar allt áfengið upp þegar í pottinn er komið – að því tilskyldu að hlynsýrópsblandan sé snögghituð því sem nemur upp að suðu – en við hitabrigðin virðist vínandinn gufa því nær upp og eftir verður því sýrópslagaður viskíkeimur út á kryddaðar haustpönnukökurnar.
Þessar pönnukökur eru lagaðar með amerísku bragði; þær eru þykkar og matarmiklar – en þar sem þær eru ljúffengar í meira lagi hefur engum tekist að fanga augnablikið á mynd enn – til þess eru þær einfaldlega alltof ljúf
Pönnukökudeig – kryddaðar haustpönnukökur:
4 dl hveiti
4 msk dökkur púðursykur
4 tsk lyftiduft
½ tsk allrahanda
1 ½ tsk malaður kanell
¼ tsk malaður engifer
¼ múskat
½ tsk salt
3 dl mjólk
3 dl súrmjólk
2 ½ dl ferskt og maukað (rifið) graskersaldin
2 egg
6 msk jurtaolía
Whiskeylagað hlynsíróp með vanillukeim:
2.5 dl hlynsýróp
¼ dl viskí
1 tsk hreint vanilluþykkni (Vanilla Extract)
*Ath: Ágætt getur verið að láta 1 msk af mjúku smjöri út í pottinn
L E I Ð B E I N I N G A R:
#1
Hrærið þurrefnum saman í stóra skál; hveiti, púðursykri, lyftidufti, allrahanda, kanel, engifer, múskati og salti. Blandið þurrefnum vel saman.
#2
Takið því næst fram aðra, örlítið minni skál og hrærið vel saman mjólk, graskerinu, 1 tsk af sykri, 1 msk af sítrónusafa og setjið í lítinn pott. Látið malla á meðalhita í u.þ.b. 15 mínútur og hrærið varlega í pottinum á meðan. Takið af lokum af hellunni, bætið í súrmjólk, eggjum og olíu.
#3
Gerið nú örlitla dæld í þurrefnablönduna og hellið innihaldinu úr minni skálinni varlega saman við, hrærið jöfnum höndum og gætið þess að öll hráefnin blandist vel saman. Látið standa á borðinu í nokkrar mínútur og hrærið svo varlega í aftur.
#4
Hitið teflon-húðaða pönnu upp að meðalhita á eldavélinni. Ágætt er að miða við einn desilíter af deigi út á pönnuna í hvert sinn. Ágætt er að setja smávægilega smjörklípu út á pönnuna fyrir hverja pönnuköku. Látið gullinbrúnast á neðri hlið og snúið svo við á pönnunni í 1 – 2 mínútur.
#5
Berið fram með mjúku smjöri & whiskeylöguðu hlynsýrópi.
Uppskrift & Ljósmyndir // Klara Egilson
